Vísindagarðurinn

17. nóvember var haldið Vísindakaffi á Hótel Héraði. Alþjóðleg athafnavika var þá haldinn í þriðja sinn hér á landi og var þetta Vísindakaffi haldið í tilefni af þeirri viku. Kristján Freyr Kristjánsson frá Innovit hélt þar erindi um „Einkenni árangursríka frumkvöðla“ og síðan voru ýmis fyrirtæki hér á Austurlandi sem kynntu starfsemi sína.

Þann 11. og 12. október stóð Vísindagarðurinn í samstarfi við Náttúrustofu Norðausturlands og Þekkingarnet Austurlands fyrir opinni ráðstefna um umhverfis- og þjóðgarðastjórnun. Aðalfyrirlesari á ráðstefnunni var bandarískur prófessor dr. Stephen McCool, sem hefur getið sér gott orð á þessu sviði, en auk hans voru kunnir innlendir fræðimenn með erindi. Ráðstefnan var vel sótt og voru þátttakendur ánægðir með hvernig til tókst.